Tillaga um raðhús fyrir Eldri borgara við Unnargrund í Garðabæ. Um var að ræða lokaða samkeppni á vegum byggingasamvinnufélags eldri borgara í Garðabæ.
Samkeppnistillaga í opinni alþjóðlegri samkeppni um Höfuðstöðvar Glitnis banka. Keppnin var haldin árið 2007 og var tillagan unnin í samstarfi við Dönsku arkitektastofuna Arkitema.
1. sæti í samkeppni um skipulag lóðar Ríkisútvarpsins við Efstaleiti. Tillagan gerir ráð fyrir 250 íbúðum, nýju skrifstofuhúsnæði ásamt verslun og þjónustu. Sérstök áhersla var lögð á að stór hluti íbúða hefði annað hvort einkagarð eða rúmgóðar þaksvalir.
1. verðlaun í lokaðri samkeppni um blandaða byggð á svokölluðum Barónsreit. Leitast var við að brjóta byggingarnar upp sjónrænt til að þær falli vel að núverandi götumynd Hverfisgötu og Skúlagötu.
Tillaga að nýjum höfuðstöðvum Landsbankans við Austurhöfn í Reykjavík. Tillagan var valin til útfærfærslu í kjölfar lokaðrar samkeppni. Samstarfsaðili var C.F. Møller.
